Puesia « Tarranu « 

Tarranu
A rombu d’esse impaziente
U mio core si spachja
A misura di lu so talente
In l »aria sana d’Ortia

Apertu mi so un baluardu
Lottu per un esse domu
Da me, esse un liberu omu
Ampliu e Bonicardu

Cusi ne cantu un branu
Cio chi ghje bellu e ghjove
Un acqua chi si mette à piove
E vampa u muscu di u tarranu

In cumpagnia d’aprile
Sto suminendu piu materiale
Cum’e sta torra per campanile
Ghjuntu po so à lu Poghjale

Sempre in viaghju cun u sportellu
Carcu ne à sonnii Giovannali
Mi ne vo cun i mio sciali
A scopre fiume rossu e Sorbellu

Vuleria canta u veranu
Di cio chi ghje bellu e ghjove
Un acqua chi si mette à piove
E lampa u so muscu Tarranu

Subbitu solu l’appoghjiu
Di fantasimi di casi fallate
Mumoria di pétri accadastate
Qual’eranu i parenti di lu Poghjiu ?

Cum’e coscogliula chi aldu porghje
E traghje in lu pianu e saccorghje
Chi mammone mi trasporta
A l’arrimbu di la Porta

Cusi n’aghjiu cantatu un branu
Di cio chi mi crepa u core
Diu ha cacciatu la so manu
E Tarranu si ne more

Cisariu Raffini

Publicités

Puesia « u mo figliolu « 

PUESIA

 » U mio figliolu hè ghjuntu da Francia

È i linzoli li chjama les draps,

È le calzette li chjama les bas.

U me figliolu quant’ellu ne sà !
Hà battizatu lu cane è la gatta

Unu hè le chien è l’altru le chat,

I topi sò les souris o les rats.

U me figliolu quant’ellu ne sà !
Per ellu ùn ci hè nè filetta nè scopa,

Ne sbarca più in Còrsica baccalà,

Fougère, bruyère, morue et voilà !

U me figliolu quant’ellu ne sà !
Li piace sempre u prisuttu, hè vera,

Ma hè jambon chè si deve appellà,

U miò caffè ghjè un veru moka.

U me figliolu quant’ellu ne sà !
S’omu ùn capisce ssi nomi à la prima

Vi dice voyons ! Vi face Oh, la ! la !

È centu volte ripete n’est-ce pas ?

U me figliolu quant’ellu ne sà !
L’altra sera m’hà dettu ch’hà honte

Di u so papa è di la so mammà

Perchè causemu toujoure patois.

U me figliolu quant’ellu ne sà !
U me figliolu cum’ell’hè struitu

È v’addiletta à sente sfrancisà ;

Gendarmi nè merri ùn ci ponu luttà.

U me figliolu quant’ellu ne sà !  »

Don Petru de Mari – A Muvra (1924)